Darllenwch fersiwn hygyrch gyda symbolau
Ym mis Mawrth 2020 cafodd cyfyngiadau symud eu cyflwyno yng Nghymru oherwydd y Coronafeirws.
Roedden ni eisiau gwybod sut roedd y cyfnod clo yma yn effeithio ar yr holl blant a phobl ifanc ar draws Cymru.
Felly fe lunion ni arolwg ar gyfer plant a phobl ifanc o’r enw Coronafeirws a Fi.
Fe wnaeth pobl eraill ein helpu i baratoi’r arolwg hefyd, a dweud wrth blant a phobl ifanc amdano fe:
- Llywodraeth Cymru
- Senedd Ieuenctid Cymru
- Plant yng Nghymru
Pwy wnaeth yr arolwg?
Fe wnaeth dros 23,000 o blant a phobl ifanc 3-18 oed yr arolwg ym mis Mai 2020.
Roedd 1,496 o’r plant a’r bobl ifanc a wnaeth yr arolwg yn dod o gefndir Du, Asiaidd neu Ethnig Lleiafrifol (BAME).
Fe ofynnon ni’r un cwestiynau i’r holl blant a phobl ifanc a wnaeth yr arolwg.
Plant BAME
Dywedodd llawer o blant a phobl ifanc o gefndir BAME eu bod nhw wedi cael profiadau negyddol yn y cyfnod clo.
Roedden nhw’n fwy tebygol o ddweud hyn na phlant a phobl ifanc sydd ddim o gefndir BAME.
Beth ddwedodd plant BAME 7-11 oed
Help ychwanegol
O gymharu â phlant gwyn Cymreig neu Brydeinig, roedden nhw’n fwy tebygol o ddweud bod angen rhagor o wybodaeth a help arnyn nhw ar gyfer pethau fel:
- gwaith ysgol ar-lein
- siarad â ffrindiau a theulu ar-lein
- teimlo’n ddiogel gartre
Bwyd
Mwy tebygol o ddweud eu bod nhw’n pryderu a fyddai gan eu teulu ddigon o fwyd
Chwarae
Mwy tebygol o ddweud eu bod nhw’n chwarae llai
Ymarfer Corff
Llai tebygol o ddweud eu bod nhw’n ymarfer tu allan
Llyfrgelloedd
Mwy tebygol o ddweud bod llyfrgelloedd a chanolfannau cymunedol yn cau yn effeithio ar eu dysgu.
Gwybodaeth
Mwy tebygol o ddweud eu bod nhw eisiau rhagor o wybodaeth am y Coronafeirws
Cefnogaeth
Llai tebygol o ddweud eu bod nhw’n gwybod sut i gael cefnogaeth i deimlo’n hapus ac yn iach
Teimlo’n hapus
Llai tebygol o ddweud eu bod nhw’n teimlo’n hapus ‘y rhan fwyaf o’r amser’, neu’n ddiogel ‘y rhan fwyaf o’r amser’
Help gyda Chymraeg
Mwy tebygol o ddweud eu bod nhw eisiau mwy o gefnogaeth gyda’u Cymraeg os oedden nhw’n mynd i ysgolion Saesneg
Beth ddwedodd plant BAME 12-18 oed
Bwyd iach ac ymarfer corff
O gymharu â phlant gwyn Cymreig neu Brydeinig, roedd plant BAME yn:
- fwy tebygol o ddweud eu bod nhw eisiau help i fwyta’n iach a chadw’n actif
- llai tebygol o ddweud eu bod nhw’n gwneud ymarfer corff tu allan
Dysgu
Mwy tebygol o ddweud eu bod nhw’n pryderu am golli tir gyda’u dysgu, a sut gallai hynny effeithio ar eu canlyniadau mewn arholiadau
Llyfrgelloedd
Mwy tebygol o ddweud bod llyfrgelloedd yn cau wedi effeithio ar eu dysgu
Bwyd
Mwy tebygol o ddweud eu bod nhw’n pryderu am eu teulu’n cael digon o fwyd
Rhagor o wybodaeth
Mwy tebygol o ddweud eu bod nhw eisiau rhagor o wybodaeth am y rheolau ynghylch cadw’n ddiogel
Teimlo’n ddiogel
Llai tebygol o ddweud eu bod nhw’n teimlo’n ddiogel ‘y rhan fwyaf o’r amser’
Defnyddio Cymraeg gartre
Mwy tebygol o ddweud eu bod nhw ddim yn cael cyfleoedd i ddefnyddio Cymraeg (o’r rhai oedd yn mynd i ysgolion Cymraeg).
Beth fydd yn digwydd nesa
Byddwn ni’n gweithio gyda phlant a phobl ifanc BAME i ddeall eu pryderon yn well, er mwyn i ni fedru dweud wrth y Llywodraeth ac eraill beth mae angen iddyn nhw newid.