Syrffio Saff

Mae’n bwysig iawn i chi gadw’n ddiogel pan fyddwch ar-lein. Ceir llawer o wybodaeth ddefnyddiol iawn ynglŷn â sut i gadw’n ddiogel a dyma saith cyngor diogelwch i chi:

1. Cofrestru ar-lein - Mae llawer o wefannau’n gofyn i chi gofrestru ar-lein cyn y gallwch ymuno a gallent ofyn i chi deipio gwybodaeth bersonol fel eich enw, rhif ffôn, oedran, cyfeiriad etc. Gofynnwch i riant/gofalwr bob tro a yw hi’n iawn cyn i chi gofrestru.
2. Cadw pethau’n breifat – Defnyddiwch lysenw (nickname) bob tro pan fyddwch yn cofrestru ar wefan. Byddwch yn ofalus i beidio â rhoi’ch enw llawn, cyfeiriad, rhif ffôn symudol, ffotograffau nac enw’ch ysgol i bobl ar-lein. Gwnewch yn siŵr bob amser eich bod chi’n dewis yr opsiwn i gadw’ch proffil yn breifat oherwydd dydych chi ddim yn gwybod pwy allai fod yn edrych ar eich tudalen we. Cadwch eich cyfrineiriau’n breifat bob amser (hyd yn oed wrth eich ffrindiau).
3. Pwy yw pwy? – Ni allwch fod yn siŵr bob amser fod y bobl y cysylltwch â nhw ar-lein yn onest o ran pwy ydyn nhw na’r oedran maent yn dweud ydyn nhw. Gall trefnu cwrdd â rhywun rydych chi ond yn cysylltu â nhw ar-lein fod yn beryglus. Gwnewch hynny gyda chaniatâd eich rhieni / gofalwr yn unig, a hynny pan fyddant yn gallu bod yn bresennol.
4. Beth sydd yn eich mewnflwch? - Gall agor negeseuon e-bost ac atodiadau gan bobl nad ydych yn eu hadnabod nac yn ymddiried ynddynt eich arwain at drafferth - gallent gynnwys firysau neu negeseuon cas. Os nad ydych yn siŵr am unrhyw e-bost (hyd yn oed gan ffrind) sganiwch ef gyda meddalwedd gwrthfirws cyn i chi ei agor neu dilëwch ef.
5. Ydy hyn yn wir? – Yn union fel y gall rhywun ar-lein fod yn dweud celwydd ynglŷn â phwy ydyn nhw, efallai nad yw unrhyw wybodaeth y dewch o hyd iddi ar y rhyngrwyd yn ddibynadwy. Nid yw’r ffaith ei bod ar y rhyngrwyd yn golygu ei fod yn wir!
6. Siaradwch – Dywedwch wrth eich rhiant neu ofalwr os oes rhywun neu rywbeth yn gwneud i chi deimlo’n anghyfforddus neu’n bryderus. Adroddwch ar negeseuon amhriodol neu gas i bwy bynnag sy’n rhedeg y wefan.
7. Peidiwch ag anghofio – Nid ar y cyfrifiadur yn yr ysgol neu’r cartref yw’ch unig ffordd o ddefnyddio’r rhyngrwyd. Cofiwch ddefnyddio’r un cynghorion diogelwch pan fyddwch yn defnyddio’r rhyngrwyd trwy ffonau neu gonsolau gemau.