Ateb nol
Mae Keith Towler, Comisiynydd Plant Cymru, eisiau gwybod beth sy’n bwysig i blant a phobl ifanc yng Nghymru. Mae e eisiau gwybod beth rydych chi’n meddwl, fel bod e’n gallu defnyddio’ch syniadau chi mewn adroddiadau a rhannau eraill o’i waith. Bydd e hefyd yn gwneud yn siŵr bod y bobl sy’n gwneud penderfyniadau yn gwybod sut rydych chi’n teimlo.
Mae Keith a’r tîm bob amser yn chwilio am ffyrdd newydd o gyfathrebu â phlant a phobl ifanc. Y llynedd fe wnaethon ni lansio’n gwefan newydd, a nawr rydyn ni’n meddwl am ffyrdd eraill o ddefnyddio’r rhyngrwyd i gadw mewn cysylltiad â phlant a phobl ifanc. Rydyn ni eisiau gwybod eich syniadau a’ch barn chi am hyn, achos bydd hynny’n ein helpu ni i gynllunio’r pethau rydyn ni’n mynd i’w gwneud.
Bydd y cwestiynau yma ar-lein tan 9 Ebrill 2010, felly gofynnwch i’ch ffrindiau eu hateb nhw hefyd.
Bydd tîm Keith yn darllen yr holl atebion, a byddwn ni’n eu defnyddio yn ein gwaith. I gael rhagor o wybodaeth am y gwaith rydyn ni wedi’i wneud drwy ddefnyddio gwybodaeth o gwestiynau Atebnôl, edrychwch ar dudalen adborth Atebnôl.